16

ദുബായ്: 2023 ഒ​ക്‌ടോ​ബ​ർ ഏഴിലെ ​ഹ​മാ​സ് ആ​ക്ര​മ​ണ​ത്തി​നു തൊ​ട്ടു​മു​മ്പ് ഇ​സ്രയേ​ൽ പ്ര​ധാ​ന​മ​ന്ത്രി ബെ​ഞ്ച​മി​ൻ നെ​ത​ന്യാ​ഹു​വി​നു മു​ന്ന​റി​യി​പ്പു ല​ഭി​ച്ചി​രു​ന്ന​താ​യി റിപ്പോർട്ട്. എ​ന്നാ​ൽ, രാജ്യത്തിന്‍റെ സു​ര​ക്ഷാത​ല​വ​ന്മാ​രോടു നെതന്യാഹു ഇക്കാര്യം വെളിപ്പെടുത്തിയില്ലെന്നും റിപ്പോർട്ടിൽ സൂചിപ്പിക്കുന്നു. യു​എ​ഇ പ്ര​സി​ഡന്‍റ് മു​ഹ​മ്മ​ദ് ബി​ൻ സാ​യി​ദ് അ​ൽ ന​ഹ്യാ​ൻ നേ​രി​ട്ടാ​ണു നെ​ത​ന്യാ​ഹു​വി​നു മു​ന്ന​റി​യി​പ്പു ന​ൽ​കി​യ​തെ​ന്നാ​ണു വെ​ളി​പ്പെ​ടു​ത്ത​ൽ. ഇസ്രയേൽ മാധ്യമമായ ഹാരറ്റ്സ് ആണ് ഇക്കാര്യം പുറത്തുവിട്ടത്.

സെ​പ്റ്റം​ബ​ർ അ​വ​സാ​നം ഇരു നേതാക്കളും നടത്തിയ ഫോ​ൺ സം​ഭാ​ഷ​ണ​ത്തി​ൽ, അ​ന്ന​ത്തെ ഹ​മാ​സ് ത​ല​വ​ൻ യഹ്യ സി​ൻ​വാ​ർ ഇ​സ്രയേ​ലി​നെ​തി​രേ വ​ൻ​ സൈ​നി​ക നീ​ക്ക​ത്തി​നു പ​ദ്ധ​തി​യി​ടു​ന്നു​ണ്ടെ​ന്ന് അ​റി​യി​ക്കു​ക​യാ​യി​രു​ന്നു. ആ​ക്ര​മ​ണം മേ​ഖ​ല​യി​ൽ വ​ൻ ര​ക്ത​ച്ചൊ​രി​ച്ചി​ലി​നും അ​സ്ഥി​ര​ത​യ്ക്കും വ​ഴിവയ്ക്കുമെന്നും അ​ബ്ര​ഹാം ഉ​ട​മ്പ​ടി​യെ ബാ​ധി​ക്കു​മെ​ന്നും യുഎഇ പ്രസിഡന്‍റ് ആ​ശ​ങ്ക പ്ര​ക​ടി​പ്പി​ച്ചി​രു​ന്നു.

എ​ന്നാ​ൽ, യു​എ​ഇ പ്ര​സി​ഡ​ന്‍റിന്‍റെ മു​ന്ന​റി​യി​പ്പി​നെ നെ​ത​ന്യാ​ഹു ഗൗരവമായി കണ്ടില്ലെന്നും റിപ്പോർട്ടിലുണ്ട്. ഇ​സ്രയേ​ൽ ഗാ​സ​യി​ൽ കാ​ര്യ​ങ്ങ​ൾ നി​യ​ന്ത്രി​ക്കു​ന്നു​ണ്ടെ​ന്നും ഹ​മാ​സിന്‍റെ ഭാ​ഗ​ത്തു​നി​ന്ന് എ​ന്തെ​ങ്കി​ലും നീ​ക്ക​മു​ണ്ടാ​യാ​ൽ വെ​സ്റ്റ് ബാ​ങ്കി​ൽ മാ​ത്ര​മാ​യി​രി​ക്കു​മെ​ന്നു​മാ​ണു നെ​ത​ന്യാ​ഹു മ​റു​പ​ടി ന​ൽ​കി​യ​ത്. കൂ​ടാ​തെ ഏ​തു സാ​ഹ​ച​ര്യ​ത്തെ​യും നേ​രി​ടാ​ൻ ഇ​സ്ര​യേ​ൽ സ​ജ്ജ​മാ​ണെ​ന്നും അ​ദ്ദേ​ഹം മ​റു​പ​ടി ന​ൽ​കി.

ഹമാസിന്‍റെ രഹസ്യനീക്കങ്ങളെക്കുറിച്ച് അ​ന്ന​ത്തെ ഇ​സ്രേലി ര​ഹ​സ്യാ​ന്വേ​ഷ​ണ ഏ​ജ​ൻ​സിയുമാ​യോ, സേനാമേധാവിമാരുമായോ പങ്കുവച്ചില്ല. തു​ട​ർന്നു ന​ട​ന്ന സു​ര​ക്ഷാ അ​വ​ലോ​ക​ന യോ​ഗ​ങ്ങ​ളി​ലും നെതന്യാഹു ഇക്കാര്യം വെളിപ്പെടുത്തിയില്ല. വി​വ​ര​മ​റി​ഞ്ഞി​രു​ന്നെ​ങ്കി​ൽ ഹ​മാ​സിന്‍റെ നീ​ക്ക​ങ്ങ​ളെ​ പ്രതിരോധിക്കാൻ കഴിയുമായിരുന്നുവെന്നാണു രഹസ്യാന്വേഷണ ഏജൻസിയിലെ ഉ​ന്ന​ത ഉ​ദ്യോ​ഗ​സ്ഥ​ർ വ്യ​ക്ത​മാ​ക്കു​ന്ന​ത്.

അതേസമയം, ​റി​പ്പോ​ർ​ട്ടു​ക​ൾ ഇസ്രയേൽ പ്രധാനമന്ത്രിയുടെ ഓഫിസ് തള്ളി. ആരോപി​ക്ക​പ്പെ​ടു​ന്ന കാ​ല​യ​ള​വി​ൽ യു​എ​ഇ പ്ര​സി​ഡന്‍റു​മാ​യി നെതന്യാഹു സം​സാ​രി​ച്ചി​ട്ടി​ല്ലെ​ന്നും അ​ത്ത​രം മു​ന്ന​റി​യി​പ്പു​ക​ളൊ​ന്നും ല​ഭി​ച്ചി​ട്ടി​ല്ലെ​ന്നു​മാ​ണ് ഇ​സ്ര​യേ​ൽ ഭ​ര​ണ​കൂ​ട​ത്തിന്‍റെ വാ​ദം. എ​ന്നാ​ൽ ഇ​സ്രയേ​ലി​ലെ മു​ൻ പ്ര​ധാ​ന​മ​ന്ത്രി ന​ഫ്താ​ലി ബെ​ന്ന​റ്റ് ഉ​ൾ​പ്പെ​ടെ​യു​ള്ള പ്ര​തി​പ​ക്ഷ നേ​താ​ക്ക​ൾ റി​പ്പോ​ർ​ട്ട് സ​ത്യ​മാ​ണെ​ന്നും രാജ്യത്തു സംഭവിച്ച സു​ര​ക്ഷാവീ​ഴ്ച​യി​ൽ നെ​ത​ന്യാ​ഹു​വി​നു നേ​രി​ട്ട് ഉ​ത്ത​ര​വാ​ദി​ത്ത​മു​ണ്ടെ​ന്നും ആ​രോ​പി​ച്ചു.

ടെ​ൽ​അ​വീ​വ്: ഇ​റാ​ൻ ത​ന്‍റെ മ​ക​നെ വ​ധി​ക്കാ​ൻ ശ്ര​മി​ച്ച​താ​യി വെ​ളി​പ്പെ​ടു​ത്തി ഇ​സ്ര​യേ​ൽ പ്ര​ധാ​ന​മ​ന്ത്രി ബെ​ഞ്ച​മി​ൻ നെ​ത​ന്യാ​ഹു. ഇ​റാ​ൻ ത​ന്‍റെ മ​ക്ക​ളി​ലൊ​രാ​ളെ കൊ​ല്ലാ​ൻ ല​ക്ഷ്യ​മി​ട്ട​താ​യും ഇ​ത് വി​ശ്വ​സി​ക്കാ​ൻ ക​ഴി​യാ​ത്തൊ​രു സം​ഭ​വ​മാ​ണെ​ന്നും അ​ദ്ദേ​ഹം പ​റ​ഞ്ഞു.

ചാ​ന​ൽ 14ന്‍റെ മി​ലി​ട്ട​റി ക​റ​സ്പോ​ണ്ട​ന്‍റ് നോം ​അ​മീ​റു​മാ​യി ന​ട​ത്തി​യ ഫോ​ൺ സം​ഭാ​ഷ​ണ​ത്തി​ലാ​ണ് ബെ​ഞ്ച​മി​ൻ നെ​ത​ന്യാ​ഹു ഇ​ക്കാ​ര്യം വെ​ളി​പ്പെ​ടു​ത്തി​യ​ത്. ര​ണ്ട് മ​ക്ക​ളാ​ണ് നെ​ത​ന്യാ​ഹു​വി​ന്. എ​ന്നാ​ൽ ആ​ർ​ക്കു​നേ​രെ​യാ​ണ് വ​ധ​ശ്ര​മം ന​ട​ന്ന​തെ​ന്ന് നെ​ത​ന്യാ​ഹു വെ​ളി​പ്പെ​ടു​ത്തി​യി​ട്ടി​ല്ല.

നേ​ര​ത്തെ നെ​ത​ന്യാ​ഹു​വി​ന്‍റെ കു​ടും​ബ​ത്തി​ന് സു​ര​ക്ഷ വ​ർ​ധി​പ്പി​ക്കു​ന്ന​തി​ന് ഇ​സ്ര​യേ​ൽ സെ​ക്യൂ​രി​റ്റി ഏ​ജ​ൻ​സി പ്ര​ത്യേ​ക അ​നു​മ​തി ന​ൽ​കി​യി​രു​ന്നു. അ​തേ​സ​മ​യം നെ​ത​ന്യാ​ഹു​വി​ന്‍റെ ആ​രോ​പ​ണ​ത്തി​ൽ ഇ​റാ​ൻ ഔ​ദ്യോ​ഗി​ക​മാ​യി പ്ര​തി​ക​രി​ച്ചി​ട്ടി​ല്ല.

ജറുസലേം: ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹു അമേരിക്കയിലേക്ക്. തിങ്കളാഴ്ച വാഷിംഗ്ടണിലേക്ക് തിരിക്കുമെന്ന് പ്രധാനമന്ത്രിയുടെ ഓഫീസ് സ്ഥിരീകരിച്ചതായി അന്താരാഷ്ട്ര മാധ്യമങ്ങൾ റിപ്പോർട്ട് ചെയ്തു.

ചൊവ്വാഴ്ച അമേരിക്കൻ പ്രസിഡന്‍റ് ഡോണൾഡ് ട്രംപുമായി കൂടിക്കാഴ്ച നടത്തുമെന്ന് നെതന്യാഹുവിന്‍റെ ഓഫീസ് അറിയിച്ചു. പശ്ചിമേഷ്യൻ മേഖലയിലെ നിലവിലെ രാഷ്ട്രീയ സാഹചര്യങ്ങൾ പ്രധാന ചർച്ചാവിഷയമാകുമെന്നാണ് സൂചന.

അന്തരിച്ച യുഎസ് സെനറ്റർ ലിൻഡ്സെ ഗ്രഹാമിന്‍റെ സംസ്കാര ചടങ്ങിലും നെതന്യാഹു പങ്കെടുക്കും.

ന്യൂ​യോ​ർ​ക്ക്: 73000-ലേറെ ആളുകളുടെ മരണത്തിനു കാരണക്കാരനായ ഇ​സ്ര​യേ​ൽ പ്ര​ധാ​ന​മ​ന്ത്രി ബെ​ഞ്ച​മി​ൻ നെ​ത​ന്യാ​ഹു​വി​നെ​തി​രേ അ​ന്താ​രാ​ഷ്ട്ര ക്രി​മി​ന​ൽ കോ​ട​തി (ഐസിസി) പു​റ​പ്പെ​ടു​വി​ച്ച അ​റ​സ്റ്റ് വാ​റന്‍റ് ന​ട​പ്പാ​ക്കണമെന്ന് ന്യൂയോർക്ക് മേയർ സോഹ്റാൻ മംദാനി.

നെതന്യാഹുവിനെ അറസ്റ്റ് ചെയ്യാൻ യു​എ​സ് സ​ർ​ക്കാ​ർ മു​ൻ​കൈ​യെ​ടു​ക്ക​ണ​മെ​ന്നും മംദാ​നി ആവശ്യപ്പെട്ടു. നെ​ത​ന്യാ​ഹു​വി​നെ അ​മേ​രി​ക്ക​യി​ൽവച്ച് അ​റ​സ്റ്റ് ചെ​യ്യി​ല്ലെ​ന്ന് യു​എ​സ് പ്ര​സി​ഡന്‍റ് ഡോ​ണ​ൾ​ഡ് ട്രം​പ് പ്ര​ഖ്യാ​പി​ച്ച​തി​നു തൊ​ട്ടു​പി​ന്നാ​ലെ​യാ​ണ് ന്യൂ‍യോർക്ക് മേയർ ശ​ക്ത​മാ​യ നി​ല​പാ​ടു​മാ​യി രം​ഗ​ത്തെ​ത്തി​യ​ത്.

പല​സ്തീ​ൻ ജ​ന​ത​യ്‌​ക്കെ​തി​രാ​യ ഭീ​ക​ര​മാ​യ വം​ശ​ഹ​ത്യ​യു​ടെ സൂ​ത്ര​ധാ​ര​നാ​ണ് നെ​ത​ന്യാ​ഹു​വെ​ന്നും യു​ദ്ധ​ക്കു​റ്റ​വാ​ളി​യാ​ണെ​ന്നും എക്സിൽ പ​ങ്കുവ​ച്ച വീ​ഡി​യോയിൽ മ​മ​ദാ​നി ആ​രോ​പി​ച്ചു. ആ​ളു​ക​ളെ കൊന്നൊടുക്കിയതുമാത്രമല്ല, പ​തി​നാ​യി​ര​ക്ക​ണ​ക്കി​നു കു​ട്ടി​ക​ളു​ടെ വൈ​ക​ല്യ​ങ്ങ​ൾ​ക്കും നെ​ത​ന്യാ​ഹു ഉ​ത്ത​ര​വാ​ദി​യാ​ണെ​ന്ന് മംദാ​നി ചൂ​ണ്ടി​ക്കാ​ട്ടി.

ന​വ​ജാ​ത​ശി​ശു​ക്ക​ളു​ടെ ആ​ശു​പ​ത്രി​ക​ളും മാ​തൃ​പ​രി​പാ​ല​ന കേ​ന്ദ്ര​ങ്ങ​ളും ല​ക്ഷ്യ​മി​ട്ട് ആ​ക്ര​മ​ണം ന​ട​ത്തു​ക​യും, ജ​ന​ങ്ങ​ൾ​ക്കു ഭ​ക്ഷ​ണ​വും അ​ടി​യ​ന്ത​ര സ​ഹാ​യ​ങ്ങ​ളും നി​ഷേ​ധി​ക്കു​ക​യും ചെ​യ്ത സാ​ഹ​ച​ര്യ​ത്തി​ലാ​ണ് ഐ​സി​സി നെതന്യാഹുവിനെതിരേ ന​ട​പ​ടി സ്വീ​ക​രി​ച്ച​ത്. 2024 ന​വം​ബ​റി​ലാ​ണ് യു​ദ്ധ​ക്കു​റ്റ​ങ്ങ​ളും മാ​ന​വി​ക​ത​യ്‌​ക്കെ​തി​രാ​യ കു​റ്റ​കൃ​ത്യ​ങ്ങ​ളും ആ​രോ​പി​ച്ച് നെ​ത​ന്യാ​ഹു​വി​നെ​തിരേ ഐസിസി അ​റ​സ്റ്റ് വാ​റന്‍റ് പു​റ​പ്പെ​ടു​വി​ച്ച​ത്.

ന്യൂ​യോ​ർ​ക്ക് സി​റ്റി​ക്ക് നേ​രി​ട്ട് ഐ​സി​സി വാ​റ​ന്‍റ് ന​ട​പ്പാ​ക്കാ​നു​ള്ള നി​യ​മ​പ​ര​മാ​യ അ​ധി​കാ​ര​മി​ല്ലെ​ന്ന് സ​മ്മ​തി​ച്ച മംദാ​നി, എ​ന്നാ​ൽ യു​എ​സ് ഫെ​ഡ​റ​ൽ സ​ർ​ക്കാ​രി​ന് അ​തി​നു​ള്ള അ​ധി​കാ​ര​മു​ണ്ടെ​ന്നും ഐ​സി​സി​യു​മാ​യി കൈ​കോ​ർ​ത്ത് ​വാ​റന്‍റ് ന​ട​പ്പാ​ക്കാ​ൻ തയാ​റാ​ക​ണ​മെ​ന്നും ആ​വ​ശ്യ​പ്പെ​ട്ടു.

വാ​ഷിം​ഗ്ട​ൺ ഡി​സി: ഇ​റാ​ന്‍റെ ഉ​ന്ന​ത സൈ​നി​ക ഉദ്യോഗസ്ഥരെയെല്ലാം വധിച്ചെന്നും രാ​ജ്യ​ത്തിന്‍റെ സൈ​നി​കശേ​ഷി പൂ​ർ​ണമാ​യി ഇ​ല്ലാ​താ​ക്കി​യെന്നും അ​മേ​രി​ക്ക​ൻ പ്ര​സി​ഡന്‍റെ ഡോണ​ൾ​ഡ് ട്രം​പ്. കൊല്ലപ്പെട്ട പ​ര​മോ​ന്ന​ത നേ​താ​വ് ആ​യ​ത്തു​ള്ള അ​ലി ഖ​മനയ്‌യു​ടെ മ​ക​നും പി​ൻ​ഗാ​മി​യു​മാ​യ മുജ്ത​ബ ഖ​മനയ് തൊ​ണ്ണൂ​റു ശ​ത​മാ​ന​വും ഇ​ല്ലാ​താ​യ​താ​യും ട്രം​പ് അ​വ​കാ​ശ​പ്പെ​ട്ടു. ഫോ​ക്സ് ന്യൂ​സി​ന് ന​ൽ​കി​യ പ്ര​ത്യേ​ക അ​ഭി​മു​ഖ​ത്തി​ലാ​ണ് അ​മേ​രി​ക്ക​ൻ പ്ര​സി​ഡന്‍റിന്‍റെ ​നി​ർണാ​യ​ക വെ​ളി​പ്പെ​ടു​ത്ത​ൽ.

ഇ​റാ​ന് നി​ല​വി​ൽ നാ​വി​ക​സേ​ന​യോ വ്യോ​മ​സേ​ന​യോ അ​വ​ശേ​ഷി​ക്കു​ന്നി​ല്ലെ​ന്ന് ട്രം​പ് അ​ഭി​മു​ഖ​ത്തി​ൽ പ​റ​ഞ്ഞു. അ​വ​രു​ടെ വ്യോ​മ​പ്ര​തി​രോ​ധ സം​വി​ധാ​ന​ങ്ങ​ൾ ഉ​ൾ​പ്പെ​ടെ എ​ല്ലാം ത​ക​ർ​ത്തുക​ഴി​ഞ്ഞു. മി​ക​ച്ച ക​മാ​ൻ​ഡ​ർ​മാ​രെ​ല്ലാം കൊ​ല്ല​പ്പെ​ട്ടു. ഇ​റാ​ൻ പ​ര​മോ​ന്ന​ത നേ​താ​വാ​യി​രു​ന്ന ഖ​മനയ് നേ​ര​ത്തെത​ന്നെ വ​ധി​ക്ക​പ്പെ​ട്ടി​രു​ന്നു. ഇ​തിനു പി​ന്നാ​ലെ​, ഖമനയ്‌യുടെ മ​ക​നാ​യ മുജ്ത​ബ‍യും ഏ​താ​ണ്ട് പൂ​ർണ​മാ​യി ഇ​ല്ലാ​താ​യെ​ന്നും ട്രം​പ് വ്യ​ക്ത​മാ​ക്കി​.

നേരത്തെ ന​ട​ന്ന വ്യോ​മാ​ക്ര​മ​ണ​ത്തി​ൽ മു​ജ്ത​ബ​യ്ക്ക് ഗു​രു​ത​ര​മാ​യി പ​രി​ക്കേ​റ്റി​രു​ന്നു. പ​രി​ക്കു​ക​ളെത്തു​ട​ർ​ന്ന് ഖമനയ്‌യുടെ സംസ്കാര ച​ട​ങ്ങു​ക​ളി​ൽ പോ​ലും മുജ്ത​ബ​യ്ക്ക് പ​ങ്കെ​ടു​ക്കാ​ൻ സാ​ധി​ച്ചി​രു​ന്നി​ല്ല.

അ​തേ​സ​മ​യം, മേ​ഖ​ല​യി​ൽ സം​ഘ​ർ​ഷം വീ​ണ്ടും ശ​ക്ത​മാ​കു​ന്ന പ​ശ്ചാ​ത്ത​ല​ത്തി​ലാ​ണ് ട്രം​പി​ന്‍റെ പു​തി​യ പ്ര​സ്താ​വ​ന​ക​ൾ പു​റ​ത്തു​വ​രു​ന്ന​ത്. ഇ​റാ​നെ​തിരേ വീ​ണ്ടും ശ​ക്ത​മാ​യ ഉ​പ​രോ​ധം ഏ​ർ​പ്പെ​ടു​ത്തു​മെ​ന്നും ഹോ​ർ​മു​സ് ക​ട​ലി​ടു​ക്കി​ലൂ​ടെ​യു​ള്ള ക​പ്പ​ലു​ക​ളു​ടെ സു​ര​ക്ഷി​ത​മാ​യ യാ​ത്ര​യ്ക്ക് യു​എ​സ് മേ​ൽനോ​ട്ടം വ​ഹി​ക്കു​മെ​ന്നും ട്രംപ് മു​ന്ന​റി​യി​പ്പു ന​ൽ​കി. എ​ന്നാ​ൽ ട്രം​പി​ന്‍റെ ​അ​വ​കാ​ശ​വാ​ദ​ങ്ങ​ളോ​ട് ഇ​റാ​ൻ ഔ​ദ്യോ​ഗി​ക​മാ​യി ഇ​തു​വ​രെ പ്ര​തി​ക​രി​ച്ചി​ട്ടി​ല്ല.

ടെഹ്റാൻ: ഇ​റാ​ൻ പ​ര​മാ​ധി​കാ​രി ആ​യ​ത്തുള്ള അ​ലി ഖ​മനയ്‌യു​ടെ വ​ധ​ത്തി​നു പ്ര​തി​കാ​രം ചെ​യ്യേ​ണ്ട ലോ​ക​നേ​താ​ക്ക​ളു​ടെ ഹി​റ്റ് ലി​സ്റ്റ് പു​റ​ത്തു​വി​ട്ട് ഇ​റാൻ ഔ​ദ്യോ​ഗി​ക പ​ത്രം. യു​എ​സ് പ്ര​സി​ഡ​ന്‍റ് ഡോണൾഡ് ട്രംപ്, ഇ​സ്ര​യേ​ൽ പ്ര​ധാ​ന​മ​ന്ത്രി ബെ​ഞ്ചമിൻ നെ​ത​ന്യാ​ഹു എ​ന്നി​വ​രു​ൾ​പ്പെ​ടെ പതിമൂന്ന് ആ​ഗോ​ള നേ​താ​ക്ക​ളു​ടെ ചി​ത്ര​ങ്ങ​ള​ട​ങ്ങി​യ റിപ്പോർട്ട് ആണ് ഇ​റാൻ ത​ല​സ്ഥാ​ന​ത്തു​നി​ന്നു പ്ര​സി​ദ്ധീ​ക​രി​ക്കു​ന്ന ക​ൺ​സ​ർ​വേ​റ്റീ​വ് ദി​ന​പ​ത്ര​മാ​യ, ഹം​ഷാ​ഹ്‌​രി ഓ​ൺ​ലൈ​നി​ലൂ​ടെ പു​റ​ത്തു​വി​ട്ട​ത്.

ഫെ​ബ്രു​വ​രി 28ന് ​യു​എ​സ്-​ഇ​സ്ര​യേ​ൽ സ​ഖ്യം ന​ട​ത്തി​യ വ്യോ​മാ​ക്ര​മ​ണ​ത്തി​ലാ​ണ് ഖമനയ് കൊ​ല്ല​പ്പെ​ട്ട​ത്. തു​ട​ർ​ന്ന് അ​ദ്ദേ​ഹ​ത്തി​ന്‍റെ മ​ക​നും പി​ൻ​ഗാ​മി​യു​മാ​യ മു​ജ്തബ ഖമനയ് കണക്കുചോദിക്കുമെന്നു പ്രഖ്യാപിച്ചിരുന്നു. ഇ​തി​നു പി​ന്നാ​ലെ​യാ​ണു ഹിറ്റ് ലിസ്റ്റ് റിപ്പോർട്ട് പ്രസിദ്ധീകരിച്ചത്.

പ്ര​തി​കാ​രം ത​ങ്ങ​ളു​ടെ രാ​ജ്യ​ത്തിന്‍റെ ആ​വ​ശ്യ​മാ​ണെ​ന്നും ലി​സ്റ്റി​ലു​ള്ള കു​റ്റ​വാ​ളി​ക​ൾ​ക്കു സ​മാ​ധാ​ന​പ​ര​മാ​യ മ​ര​ണം ഉ​ണ്ടാ​കി​ല്ലെ​ന്നും ഖമനയ്‌യുടെ സം​സ്കാ​ര ച​ട​ങ്ങു​ക​ൾ​ക്കുശേ​ഷം ന​ൽ​കി​യ സ​ന്ദേ​ശ​ത്തി​ൽ മുജതബ വ്യ​ക്ത​മാ​ക്കി​യി​രു​ന്നു. ട്രം​പി​നും നെ​ത​ന്യാ​ഹു​വി​നും പു​റ​മെ ബ്രി​ട്ടീ​ഷ് പ്ര​ധാ​ന​മ​ന്ത്രി കീ​ർ സ്റ്റാ​ർ​മ​ർ, ഫ്ര​ഞ്ച് പ്ര​സി​ഡന്‍റ് ഇ​മ്മാ​നു​വ​ൽ മാ​ക്രോ​ൺ, ഇ​റ്റാ​ലി​യ​ൻ പ്ര​ധാ​ന​മ​ന്ത്രി ജോ​ർ​ജി​യ മെ​ലോ​ണി, ജ​ർമ​ൻ ചാ​ൻ​സ​ല​ർ ഫ്രീ​ഡ്രി​ക്ക് മെ​ർ​സ് എ​ന്നി​വ​രും ഇ​റാ​ന്‍റെ ഹി​റ്റ് ലി​സ്റ്റി​ലു​ണ്ട്. യു​എ​സ് സ്റ്റേ​റ്റ് സെ​ക്ര​ട്ട​റി മാ​ർ​ക്കോ റൂ​ബി​യോ, പ്ര​തി​രോ​ധ സെ​ക്ര​ട്ട​റി പീ​റ്റ് ഹെ​ഗ്സെ​ത്ത് എ​ന്നി​വ​രും പ​ട്ടി​ക​യി​ൽ ഉ​ൾ​പ്പെ​ടു​ന്നു. എ​ന്നാ​ൽ, പ​ത്രം പു​റ​ത്തു​വി​ട്ട ഈ ​ലി​സ്റ്റിന് ഇ​റാന്‍റെ ഔ​ദ്യോ​ഗി​ക ഭ​ര​ണ​കൂ​ട​ത്തിന്‍റെ അം​ഗീ​കാ​ര​മു​ണ്ടോ എ​ന്നതു വ്യക്തമല്ല.

ത​ങ്ങ​ളു​ടെ രാജ്യത്തിനുനേരേ ന​ട​ന്ന ആ​ക്ര​മ​ണ​ങ്ങ​ളെ അ​പ​ല​പി​ക്കാ​ൻ യൂ​റോ​പ്യ​ൻ രാ​ജ്യ​ങ്ങ​ൾ തയാ​റാ​യി​ല്ലെ​ന്നും യു​എ​സ് സൈ​നി​ക വി​മാ​ന​ങ്ങ​ൾ​ക്ക് ത​ങ്ങ​ളു​ടെ വ്യോ​മ​പാ​ത തു​റ​ന്നു​ന​ൽ​കി അ​വ​ർ ആ​ക്ര​മ​ണ​ത്തി​നു കൂ​ട്ടു​നി​ന്നെന്നും യു​ദ്ധ​ത്തി​നി​ട​യി​ൽ ഇ​റാ​ൻ ആ​രോ​പി​ച്ചി​രു​ന്നു. ഖമനയ് കൊ​ല്ല​പ്പെ​ട്ട ആ​ക്ര​മ​ണ​ത്തി​ൽ മുജ്തബയ്ക്കും പ​രി​ക്കേ​റ്റി​രു​ന്ന​താ​യി റി​പ്പോ​ർ​ട്ടു​ക​ൾ ഉ​ണ്ടാ​യി​രു​ന്നു. യു​ദ്ധം തു​ട​ങ്ങി​യ ശേ​ഷം മുജ്തബ ഇ​തു​വ​രെ പൊ​തു​വേ​ദി​ക​ളി​ൽ പ്ര​ത്യ​ക്ഷ​പ്പെ​ട്ടി​ട്ടി​ല്ല.

ടെ​ഹ്റാ​ൻ: ട്രം​പി​നും നെ​ത​ന്യാ​ഹു​വി​നും മു​ന്ന​റി​യി​പ്പു​മാ​യി ഇ​റാ​ൻ പ​ര​മോ​ന്ന​ത നേ​താ​വ് മു​ജ്ത​ബ ഖ​മേ​നി. ത​ങ്ങ​ളു​ടെ മു​തി​ർ​ന്ന നേ​താ​ക്ക​ളെ വ​ധി​ച്ച ശ​ത്രു​ക്ക​ളെ വെ​റു​തെ വി​ടി​ല്ലെ​ന്നും പ്ര​തി​കാ​രം ചെ​യ്യാ​നാ​യി ഓ​രോ ശ​ത്രു​വി​ന്‍റെ​യും പ​ട്ടി​ക ത​യാ​റാ​ക്കി​യി​ട്ടു​ണ്ടെ​ന്നും മു​ജ്ത​ബ ഖ​മ​നെ​യി പ​റ​ഞ്ഞു.

താ​ൻ ഉ​ൾ​പ്പെ​ടെ​യു​ള്ള നി​ല​വി​ലെ ഭ​ര​ണ​നേ​തൃ​ത്വം ഇ​ല്ലാ​താ​യാ​ൽ പോ​ലും ഈ ​പ്ര​തി​കാ​ര ദൗ​ത്യം മു​ന്നോ​ട്ട് പോ​കു​മെ​ന്നും അ​ദ്ദേ​ഹം മു​ന്ന​റി​യി​പ്പ് ന​ൽ​കി. ക​ഴി​ഞ്ഞ ഫെ​ബ്രു​വ​രി 28ന് ​അ​മേ​രി​ക്ക​യും ഇ​സ്രാ​യേ​ലും സം​യു​ക്ത​മാ​യി ന​ട​ത്തി​യ ആ​ക്ര​മ​ണ​ത്തി​ൽ ഇ​റാ​ന്‍റെ മു​ൻ പ​ര​മോ​ന്ന​ത നേ​താ​വ് ആ​യ​ത്തു​ള്ള അ​ലി ഖ​മേ​നി ഉ​ൾ​പ്പെ​ടെ​യു​ള്ള പ്ര​മു​ഖ​ർ കൊ​ല്ല​പ്പെ​ട്ടി​രു​ന്നു.

ഇ​തി​ന് പി​ന്നാ​ലെ മേ​ഖ​ല​യി​ൽ സം​ഘ​ർ​ഷം ക​ടു​ക്കു​ന്ന​തി​നി​ടെ​യാ​ണ് പു​തി​യ പ്ര​സ്താ​വ​ന​യു​മാ​യി മു​ജ്ത​ബ ഖ​മേ​നി രം​ഗ​ത്തെ​ത്തി​യി​രി​ക്കു​ന്ന​ത്. ത​ങ്ങ​ളു​ടെ നേ​താ​ക്ക​ളെ വ​ധി​ക്കാ​ൻ നേ​തൃ​ത്വം ന​ൽ​കി​യ കൊ​ല​യാ​ളി​ക​ളു​ടെ കൃ​ത്യ​മാ​യ വി​വ​ര​ങ്ങ​ൾ ത​ങ്ങ​ളു​ടെ പ​ക്ക​ലു​ണ്ടെ​ന്നും, ആ​ഗോ​ള​ത​ല​ത്തി​ൽ ത​ങ്ങ​ളെ പി​ന്തു​ണ​യ്ക്കു​ന്ന​വ​ർ ഈ ​ദൗ​ത്യം ഏ​റ്റെ​ടു​ത്ത് ന​ട​പ്പി​ലാ​ക്കു​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

ഇ​റാ​നെ​തി​രെ അ​മേ​രി​ക്ക പു​തി​യ സാ​മ്പ​ത്തി​ക ഉ​പ​രോ​ധ​ങ്ങ​ൾ ഏ​ർ​പ്പെ​ടു​ത്തി​യ​തി​ന് തൊ​ട്ടു​പി​ന്നാ​ലെ​യാ​ണ് മു​ജ്ത​ബ​യു​ടെ ഭീ​ഷ​ണി പു​റ​ത്തു​വ​ന്നി​രി​ക്കു​ന്ന​ത്. ഇ​റാ​ന്‍റെ ഭ​ര​ണ​നേ​തൃ​ത്വ​ത്തി​ന്‍റെ പ്ര​ധാ​ന സാ​മ്പ​ത്തി​ക സ്രോ​ത​സു​ക​ൾ ഇ​ല്ലാ​താ​ക്കു​ക എ​ന്ന ല​ക്ഷ്യ​ത്തോ​ടെ യു​എ​സ് ട്ര​ഷ​റി ഡി​പ്പാ​ർ​ട്ട്മെ​ന്‍റ് പു​തി​യ നി​യ​ന്ത്ര​ണ​ങ്ങ​ൾ പ്ര​ഖ്യാ​പി​ച്ചി​രു​ന്നു.

ഇ​തി​ന്‍റെ ഭാ​ഗ​മാ​യി മു​ജ്ത​ബ ഖ​മേ​നി​യു​ടെ പ്ര​ധാ​ന സാ​മ്പ​ത്തി​ക ഇ​ട​പാ​ടു​കാ​ര​നാ​യ അ​ലി അ​ൻ​സാ​രി​യെ​യും മ​റ്റ് 13 വ്യ​ക്തി​ക​ളെ​യും സ്ഥാ​പ​ന​ങ്ങ​ളെ​യും ല​ക്ഷ്യ​മി​ട്ടാ​ണ് അ​മേ​രി​ക്ക സാ​മ്പ​ത്തി​ക വി​ല​ക്ക് ഏ​ർ​പ്പെ​ടു​ത്തി​യ​ത്. ഒ​രി​ട​വേ​ള​യ്ക്കുശേ​ഷം ഇ​റാ​നും അ​മേ​രി​ക്ക​യും ത​മ്മി​ലു​ള്ള അ​സ്വാ​ര​സ്യ​ങ്ങ​ൾ വീ​ണ്ടും ക​ടു​ക്കു​ന്ന സാ​ഹ​ച​ര്യ​ത്തി​ലാ​ണ് വാ​ക്പോ​രും രൂ​ക്ഷ​മാ​കു​ന്ന​ത്.

ഹ​മാ​സ് എ​ന്ന ഭീ​ക​ര​പ്ര​സ്ഥാ​ന​ത്തെ വ​ച്ചു​പൊ​റു​പ്പി​ക്കാ​ൻ ഇ​സ്ര​യേ​ലി​നു ബാ​ധ്യ​ത​യി​ല്ല. പ​ക്ഷേ, തി​രി​ച്ച​ടി പ​രി​ധി ലം​ഘി​ക്കു​ന്പോ​ൾ ജ​നാ​ധി​പ​ത്യലോ​ക​ത്തി​ന്‍റെ സ​മാ​ധാ​ന​ശ്ര​മ​ങ്ങ​ളെ വെ​ല്ലു​വി​ളി​ക്കു​ക​യു​മ​രു​ത്.

ഇ​സ്ര​യേ​ൽ-​പ​ല​സ്തീ​ൻ സം​ഘ​ർ​ഷ​ത്തി​ന്‍റെ പ​രി​ഹാ​ര​മാ​യി ഏ​താ​ണ്ട് ലോ​കം മു​ഴു​വ​ൻ അം​ഗീ​ക​രി​ച്ച ദ്വി​രാ​ഷ്‌​ട്ര പ​രി​ഹാ​ര​ത്തെ ത​ള്ളി​ക്ക​ള​യു​ക​യോ ദു​ർ​ബ​ല​പ്പെ​ടു​ത്തു​ക​യോ ചെ​യ്യു​ന്ന​ത് ബെ​ഞ്ച​മി​ൻ നെ​ത​ന്യാ​ഹു​വി​ന​ല്ലാ​തെ ഇ​സ്ര​യേ​ൽ എ​ന്ന ജ​നാ​ധി​പ​ത്യ രാ​ഷ്‌​ട്ര​ത്തി​ന് ഗു​ണ​ക​ര​മാ​കി​ല്ല. ഹ​മാ​സ് ഭീ​ക​ര​ർ മാ​ത്ര​മേ ഗാ​സ​യി​ലു​ള്ളൂ എ​ന്ന മ​ട്ടി​ലു​ള്ള ആ​ക്ര​മ​ണ​ങ്ങ​ൾ​ക്കെ​തി​രേ കൂ​ടു​ത​ൽ രാ​ജ്യ​ങ്ങ​ൾ രം​ഗ​ത്തു വ​ന്നു​ക​ഴി​ഞ്ഞു.

ഇ​സ്ര​യേ​ലി​ൽ​നി​ന്നു ത​ട്ടി​ക്കൊ​ണ്ടു​പോ​യ​വ​രെ മാ​ത്ര​മ​ല്ല, കു​ഞ്ഞു​ങ്ങ​ൾ ഉ​ൾ​പ്പെ​ടെ​യു​ള്ള ഗാ​സ നി​വാ​സി​ക​ളെ​യും ബ​ന്ദി​ക​ളാ​ക്കി ഹ​മാ​സ് ന​ട​ത്തു​ന്ന ഭീ​ക​രാ​ക്ര​മ​ണ​ത്തി​ന് തി​ര​ശീ​ല വീ​ഴ്ത്തേ​ണ്ട​തു ത​ന്നെ​യാ​ണ്. പ​ക്ഷേ, ജ​നാ​ധി​പ​ത്യ രാ​ജ്യ​ങ്ങ​ളെ​യും മാ​ർ​പാ​പ്പ ഉ​ൾ​പ്പെ​ടെ​യു​ള്ള മ​ത​നേ​താ​ക്ക​ളെ​യു​മൊ​ക്കെ അ​വ​ഗ​ണി​ച്ച് ജോ​ർ​ദാ​ൻ ന​ദി​ക്കു പ​ടി​ഞ്ഞാ​റ് പ​ല​സ്തീ​ൻ എ​ന്ന രാ​ഷ്‌​ട്രം ഇ​നി​യി​ല്ല എ​ന്ന നെ​ത​ന്യാ​ഹു​വി​ന്‍റെ മ​റു​പ​ടി ജ​നാ​ധി​പ​ത്യ ലോ​ക​ക്ര​മ​ത്തോ​ടു​ള്ള നി​ന്ദ​യും വെ​ല്ലു​വി​ളി​യു​മാ​ണ്.

ഇ​സ്ര​യേ​ലി​ന്‍റെ യു​ദ്ധം ഹ​മാ​സി​ന്‍റെ വേ​ര​റ​ക്കു​ക​യു​മി​ല്ല. കാ​ര​ണം, അ​തി​ന്‍റെ താ​യ്‌​വേ​രു​ക​ൾ ഗാ​സ​യി​ല​ല്ല, തീ​വ്ര​വാ​ദ മ​ന​സു​ക​ളി​ലും വി​വി​ധ ഇ​സ്‌​ലാ​മി​ക രാ​ജ്യ​ങ്ങ​ളു​ടെ പ​ണ​ത്തി​ലും മ​ണ്ണി​ലു​മാ​ണ്. ലോ​ക​സ​മാ​ധാ​ന​ത്തി​ന്‍റെ മു​ഖ്യ​ത​ട​സ​ങ്ങ​ളി​ലൊ​ന്ന് ഇ​സ്‌​ലാ​മി​ക തീ​വ്ര​വാ​ദ​മാ​ണ്. പ​ക്ഷേ, തീ​വ്ര​വാ​ദി​ക​ളെ ഉ​ന്മൂ​ല​നം ചെ​യ്യാ​നെ​ന്ന പേ​രി​ൽ അ​വ​ർ പി​ടി​മു​റു​ക്കി​യ രാ​ജ്യ​ങ്ങ​ളി​ലെ ജ​ന​ങ്ങ​ളെ അ​പ്പാ​ടെ ശി​ക്ഷി​ക്കാ​നോ ആ​ട്ടി​പ്പാ​യി​ക്കാ​നോ ആ​കി​ല്ല.

തീ​വ്ര​വാ​ദ സം​ഘ​ട​ന​ക​ളെ തീ​റ്റി​പ്പോ​റ്റി ഇ​ന്ത്യ​യി​ൽ കൊ​ല​പാ​ത​ക​ത്തി​നി​റ​ക്കു​ന്ന അ​യ​ൽ​രാ​ജ്യ​മാ​യ പാ​ക്കി​സ്ഥാ​നോ​ട് ഇ​ന്ത്യ അ​ങ്ങ​നെ​യൊ​രു സ​മീ​പ​ന​മ​ല്ല സ്വീ​ക​രി​ച്ചി​ട്ടു​ള്ള​ത്. നി​യ​ന്ത്രി​ത തി​രി​ച്ച​ടി​ക​ളെ​യും ന​യ​ത​ന്ത്ര​ങ്ങ​ളെ​യും ജ​നാ​ധി​പ​ത്യ കൂ​ട്ടു​കെ​ട്ടു​ക​ളെ​യു​മാ​ണ് അ​വ​ലം​ബി​ക്കു​ന്ന​ത്. യ​ഹൂ​ദ​രെ​യും ക്രി​സ്ത്യാ​നി​ക​ളെ​യും ലോ​ക​ത്തു​നി​ന്ന് ഉ​ന്മൂ​ല​നം ചെ​യ്യു​ന്ന​താ​ണു പ​ര​മ​ല​ക്ഷ്യ​മെ​ന്നു ക​രു​തു​ന്ന ഹ​മാ​സ് എ​ന്ന മു​സ്‌​ലിം ബ്ര​ദ​ർ​ഹു​ഡ് പോ​ഷ​ക​സം​ഘ​ട​ന​യെ​യും ഒ​റ്റ​ക്കെ​ട്ടാ​യി നേ​രി​ടാ​ൻ ലോ​കം ഇ​നി​യെ​ങ്കി​ലും ത​യാ​റാ​ക​ണം.

ഒ​പ്പം, ഗാ​സ​യെ​ന്നാ​ൽ ഹ​മാ​സ് മാ​ത്ര​മ​ല്ലെ​ന്നും ദ്വി​രാ​ഷ്‌​ട്ര പ​രി​ഹാ​ര​ത്തെ ത​ള്ളി​ക്ക​ള​യ​രു​തെ​ന്നു​മു​ള്ള മ​റ്റു രാ​ജ്യ​ങ്ങ​ളു​ടെ മു​ന്ന​റി​യി​പ്പു​ക​ൾ ഇ​സ്ര​യേ​ൽ ചെ​വി​ക്കൊ​ള്ളു​ക​യും വേ​ണം. ഒ​രി​ക്ക​ൽ പ​ല​സ്തീ​ൻ നേ​താ​ക്ക​ളും അ​റ​ബ് ലീ​ഗും ത​ള്ളി​ക്ക​ള​ഞ്ഞ ദ്വി​രാ​ഷ്‌​ട്ര രൂ​പീ​ക​ര​ണ​ത്തി​ന് ഇ​സ്ര​യേ​ൽ ത​യാ​റാ​യാ​ൽ അ​ത്ത​ര​മൊ​രു പ​ല​സ്തീ​നി​ൽ​നി​ന്നു ഹ​മാ​സി​നെ പു​റ​ത്താ​ക്കാ​നു​ള്ള പി​ന്തു​ണ ഇ​പ്പോ​ൾ അ​വ​ർ​ക്കു ല​ഭി​ക്കും. പ​ക്ഷേ, ഇ​സ്ര​യേ​ൽ വ​ഴ​ങ്ങു​ന്നി​ല്ല.

നി​കു​തി​യു​ദ്ധ​ത്തി​ലൂ​ടെ ലോ​ക​ത്തെ വെ​റു​പ്പി​ക്കു​ന്ന ട്രം​പി​ന്‍റെ പാ​ത​യി​ലാ​ണ് നെ​ത​ന്യാ​ഹു​വും. ഗാ​സ​യി​ലെ മ​ര​ണം 65,000 ക​ട​ന്നു. അ​തി​ന്‍റെ ഉ​ത്ത​ര​വാ​ദി​ത്വം ഇ​സ്ര​യേ​ലി​നു മാ​ത്ര​മ​ല്ല. 2023 ഒ​ക​ടോ​ബ​ർ ഏ​ഴി​ന് ഭീ​ക​രാ​ക്ര​മ​ണം ന​ട​ത്തി 1,200ല​ധി​കം നി​ര​പ​രാ​ധി​ക​ളെ കൊ​ല്ലു​ക​യും അ​തി​ലേ​റെ​പ്പേ​രെ പ​രി​ക്കേ​ൽ​പ്പി​ക്കു​ക​യും ഇ​രു​നൂ​റി​ല​ധി​കം പേ​രെ ബ​ന്ദി​ക​ളാ​ക്കി കൊ​ണ്ടു​പോ​കു​ക​യും അ​വ​രെ മോ​ചി​പ്പി​ക്കാ​നു​ള്ള ആ​ഹ്വാ​ന​ങ്ങ​ളെ നി​ര​സി​ക്കു​ക​യും ഗാ​സ നി​വാ​സി​ക​ളെ പ​രി​ച​ക​ളാ​ക്കു​ക​യും ചെ​യ്ത ഹ​മാ​സി​നു​മു​ണ്ട്.

ഇ​ന്ന​ലെ ഐ​ക്യ​രാ​ഷ്‌​ട്ര​സ​ഭാ ഉ​ച്ച​കോ​ടി​യി​ൽ പ​ല​സ്തീ​നെ സ്വ​ത​ന്ത്ര​രാ​ജ്യ​മാ​യി അം​ഗീ​ക​രി​ച്ച ഫ്രാ​ൻ​സ് പ​റ​ഞ്ഞ​ത്, ഈ ​അം​ഗീ​കാ​രം ഹ​മാ​സി​നു​ള്ള തി​രി​ച്ച​ടി​യാ​ണെ​ന്നാ​ണ്. പ​ല​സ്തീ​നു​ള്ള അം​ഗീ​കാ​രം ഒ​രി​ക്ക​ലും ഹ​മാ​സി​നു​ള്ള​ത​ല്ലെ​ന്ന് ബ്രി​ട്ടീ​ഷ് പ്ര​ധാ​ന​മ​ന്ത്രി കെ​യ​ർ സ്റ്റാ​ർ​മ​റും പ​റ​ഞ്ഞു. അ​തു​പോ​ലെ, കാ​ന​ഡ​യും ഓ​സ്ട്രേ​ലി​യ​യു​മൊ​ന്നും ഹ​മാ​സി​നോ​ടു​ള്ള ഐ​ക്യ​ദാ​ർ​ഢ്യം പ്ര​ഖ്യാ​പി​ക്കാ​ന​ല്ല പ​ല​സ്തീ​നെ രാ​ഷ്‌​ട്ര​മാ​യി അം​ഗീ​ക​രി​ച്ച​ത്.

കു​ട്ടി​ക​ൾ ഉ​ൾ​പ്പെ​ടെ​യു​ള്ള​വ​രു​ടെ മ​ര​ണ​വും പ​ട്ടി​ണി​യും ഒ​ഴി​വാ​ക്കാ​നാ​ണ്. പ​ല​സ്തീ​നെ ഐ​ക്യ​രാ​ഷ്‌​ട്ര​സ​ഭ​യി​ൽ അം​ഗീ​ക​രി​ക്കു​ന്ന​ത് യു​ദ്ധ​വി​രു​ദ്ധ സ​ന്ദേ​ശ​മ​ല്ലാ​തെ ഒ​ന്നു​മ​ല്ല. പൊ​തു​സ​ഭ​യി​ലെ ഈ ​അം​ഗീ​കാ​ര​ത്തി​ന് അ​മേ​രി​ക്ക​യു​ൾ​പ്പെ​ടു​ന്ന ര​ക്ഷാ​സ​മി​തി​യി​ൽ അം​ഗീ​കാ​രം ല​ഭി​ക്കു​ക​യു​മി​ല്ല. പ​ക്ഷേ, ആ ​പ്ര​തി​ക​ര​ണ​ത്തെ ഇ​സ്ര​യേ​ൽ മാ​നി​ക്കേ​ണ്ട​തു​ണ്ടാ​യി​രു​ന്നു.

ഹ​മാ​സി​ന്‍റെ ഭീ​ക​രാ​ക്ര​മ​ണ​ത്തി​ൽ ഇ​സ്ര​യേ​ലി​നൊ​പ്പം നി​ന്ന രാ​ജ്യ​ങ്ങ​ളാ​ണ് ഇ​പ്പോ​ൾ അ​രു​തെ​ന്നു പ​റ​യു​ന്ന​ത്. ബ​ന്ദി​ക​ളെ മോ​ചി​പ്പി​ക്ക​ണ​മെ​ന്നും ദ്വി​രാ​ഷ്‌​ട്ര പ​രി​ഹാ​ര​ത്തി​നു ത​യാ​റാ​ക​ണ​മെ​ന്നു​മാ​ണ് ഫ്രാ​ൻ​സി​സ് മാ​ർ​പാ​പ്പ​യും ഇ​പ്പോ​ൾ ലെ​യോ മാ​ർ​പാ​പ്പ​യും ആ​വ​ശ്യ​പ്പെ​ട്ടി​ട്ടു​ള്ള​ത്. തീ​വ്ര​വാ​ദം ഒ​രാ​ശ​യ​മാ​ണ്; ഇ​ര​വാ​ദം​കൊ​ണ്ട് ജ​നാ​ധി​പ​ത്യ പൊ​തു​ബോ​ധ​ത്തി​ൽ​പോ​ലും സ്ഥാ​നം പി​ടി​ച്ച മാ​ര​ക വൈ​റ​സ്.

ഹ​മാ​സും ഇ​സ്‌​ലാ​മി​ക് സ്റ്റേ​റ്റും പോ​പ്പു​ല​ർ ഫ്ര​ണ്ടും ഉ​ൾ​പ്പെ​ടെ​യു​ള്ള ഭീ​ക​ര​പ്ര​സ്ഥാ​ന​ങ്ങ​ളെ വി​മോ​ച​ന​പ്പോ​രാ​ളി​ക​ളാ​ക്കു​ന്ന വോ​ട്ട് രാ​ഷ്‌​ട്രീ​യം ഇ​ന്ത്യ​യി​ൽ ഉ​ൾ​പ്പെ​ടെ വി​ല​പ്പോ​കു​ന്നു​മു​ണ്ട്. ഇ​സ്‌​ലാ​മി​ക തീ​വ്ര​വാ​ദി​ക​ൾ കൊ​ന്നൊ​ടു​ക്കു​ക​യും ജ​ന്മ​നാ​ടു​ക​ളി​ൽ​നി​ന്ന് ആ​ട്ടി​പ്പാ​യി​ക്കു​ക​യും ചെ​യ്യു​ന്ന ക്രൈ​സ്ത​വ​രെ ക​ണ്ടി​ല്ലെ​ന്നു ന​ടി​ക്കു​ന്ന ആ ‘​മ​നു​ഷ്യാ​വ​കാ​ശ’ നാ​ട്യ​ക്കാ​രെ കേ​ര​ള​ത്തി​ലും തി​രി​ച്ച​റി​ഞ്ഞു​തു​ട​ങ്ങി​യി​ട്ടു​ണ്ട്.

ഹ​മാ​സി​ന്‍റെ സ​ഹ​സം​ഘ​ട​ന​ക​ൾ നൈ​ജീ​രി​യ​യി​ൽ ദി​വ​സ​വും കൊ​ന്നൊ​ടു​ക്കു​ന്ന​ത് ശ​രാ​ശ​രി 30 ക്രി​സ്ത്യാ​നി​ക​ളെ​യാ​ണ്. ഈ ​വ​ർ​ഷം ആ​ദ്യ ഏ​ഴു മാ​സ​ങ്ങ​ളി​ൽ ഏ​ഴാ​യി​ര​ത്തി​ല​ധി​കം ക്രി​സ്ത്യാ​നി​ക​ൾ നൈ​ജീ​രി​യ​യി​ൽ മാ​ത്രം കൊ​ല്ല​പ്പെ​ട്ടെ​ന്നാ​ണ് ഇ​ന്‍റ​ർ​നാ​ഷ​ണ​ൽ സൊ​സൈ​റ്റി ഫോ​ർ സി​വി​ൽ ലി​ബ​ർ​ട്ടീ​സ് ആ​ൻ​ഡ് റൂ​ൾ ഓ​ഫ് ലോ (​ഇ​ന്‍റ​ർ സൊ​സൈ​റ്റി) എ​ന്ന സം​ഘ​ട​ന​യു​ടെ ക​ണ​ക്ക്.

പ​ക്ഷേ, ഇ​തു ചൂ​ണ്ടി​ക്കാ​ണി​ച്ച് ഗാ​സ​യി​ലെ മ​നു​ഷ്യ​ക്കു​രു​തി ന്യാ​യീ​ക​രി​ക്കാ​ൻ യ​ഥാ​ർ​ഥ ക്രൈ​സ്ത​വ​ർ ത​യാ​റാ​കി​ല്ല. ത​ങ്ങ​ൾ​ക്കു കി​ട്ടാ​ത്ത നീ​തി മ​റ്റു​ള്ള​വ​ർ​ക്ക് കൊ​ടു​ക്ക​രു​തെ​ന്നു ശ​ഠി​ക്കു​ക​യു​മി​ല്ല. ദി​വ​സ​ങ്ങ​ൾ​ക്കു​മു​ന്പ് ഇ​സ്ര​യേ​ൽ പ്ര​സി​ഡ​ന്‍റ് ഐ​സ​ക് ഹെ​സോ​ഗു​മാ​യു​ള്ള കൂ​ടി​ക്കാ​ഴ്ച​യി​ൽ ബ​ന്ദി​ക​ളെ മോ​ചി​പ്പി​ക്ക​ണ​മെ​ന്ന ആ​ഹ്വാ​ന​ത്തി​നൊ​പ്പം ലെ​യോ മാ​ർ​പാ​പ്പ ഊ​ന്ന​ൽ ന​ൽ​കി​യ​ത് ദ്വി​രാ​ഷ്‌​ട്ര പ​രി​ഹാ​ര​ത്തി​നാ​ണ്.

സ്വ​ന്തം ജ​ന​ത ലോ​ക​മെ​ങ്ങും ഇ​സ്‌​ലാ​മി​ക തീ​വ്ര​വാ​ദി​ക​ളാ​ൽ കൊ​ല്ല​പ്പെ​ടു​ന്പോ​ഴും ഗാ​സ​യി​ൽ മ​നു​ഷ്യ​ത്വ​ത്തി​ന്‍റെ കൊ​ടി താ​ഴെ​യി​ടാ​ൻ വി​സ​മ്മ​തി​ക്കു​ന്ന നി​ല​പാ​ടാ​ണ് മാ​ർ​പാ​പ്പ​യു​ടേ​ത്. തീ​വ്ര​വാ​ദി​ക​ൾ പ​ഠി​ച്ചി​ട്ടി​ല്ലാ​ത്ത ജ​നാ​ധി​പ​ത്യ മ​തേ​ത​ര സ​ന്ദേ​ശ​ങ്ങ​ൾ നെ​ത​ന്യാ​ഹു​വും വാ​യി​ക്കു​ന്നി​ല്ലെ​ങ്കി​ൽ ഗാ​സ​യ്ക്കു നേ​രേ മാ​ത്ര​മ​ല്ല അ​നി​വാ​ര്യ​മാ​യ സ​മാ​ധാ​ന​ശ്ര​മ​ങ്ങ​ൾ​ക്കു നേ​രേ​യും നെ​ത​ന്യാ​ഹു തോ​ക്കു ചൂ​ണ്ടു​ക​യാ​ണ്.

ഒ​രി​ക്ക​ൽ ഫാ​സി​സ​ത്തി​ന്‍റെ മ​ര​ണ​ച്ചൂ​ള​യി​ൽ​നി​ന്ന് അ​തി​ജീ​വ​ന​ത്തി​ന്‍റെ അ​ദ്ഭു​ത​സാ​ക്ഷ്യ​മാ​യി പു​റ​ത്തു​വ​ന്ന യ​ഹൂ​ദ​രെ സു​ര​ക്ഷ​യു​ടെ പേ​രു പ​റ​ഞ്ഞ് നെ​ത​ന്യാ​ഹു മ​നു​ഷ്യ​ത്വ​മി​ല്ലാ​ത്ത​വ​രാ​യി ചി​ത്രീ​ക​രി​ക്ക​രു​ത്.